Måndag 15.desember fekk Stord Fotball G2015 oppleve noko heilt spesielt: ein keeperøkt med besøk frå eitt av Norges største keepertalent, Einar Bøe Fauskanger, saman med sin far Martin Fauskanger.
Ein inspirerande keeperøkt for Stord Fotball G2015
Økta blei ei unik moglegheit for alle som ønskte å lære av ein toppkeeper – og responsen frå spelarane var eintydig: dette var både lærerikt og motiverande! Spelarane fekk konkrete tips om teknikk, posisjonering og reaksjonsevne, og Einar delte erfaringar om korleis han jobbar for å nå sine mål. Stemninga var topp, og engasjementet stort frå første minutt.
Kven er Einar Bøe Fauskanger?
Einar Bøe Fauskanger, fødd i 2008, har allereie markert seg som ein av landets mest lovande målvakter. Han spelar for FK Haugesund og debuterte som den yngste keeperen i Eliteserien med berre 16 år og 136 dagar. Einar signerte sin første proffkontrakt som 15-åring og har avtale med klubben fram til 2027.
Han har representert Norge på aldersbestemte landslag og var førstemålvakt under U20-VM i 2025, der han imponerte med viktige redningar. I tillegg vart han i 2025 tatt med på The Guardian si prestisjetunge liste over verdas 60 største fotballtalent fødd i 2008 – som einaste nordmann og ein av berre to keepere.
Einar er kjent for sitt sterke fokus på trening, reaksjonsevne og mental styrke, og blir sett på som ein framtidig toppkeeper både nasjonalt og internasjonalt.
Kategorier