Puttemagasinet 2026 er klart!

Stord Fotball er stolte over å presentera årets utgåve av Puttemagasinet, laga til Puttefestivalen 2026. Magasinet er sett saman av Chris F. Lunde, som har hatt ansvar for design og oppsett, samt bidrag på tekst og innhald. Ole Litlabø Eikenes har som ansvarleg redaktør hatt ansvar for både saker og foto, samt god dialog med sponsorar.

I magasinet kan du mellom anna lesa om Leif Didrik «Dikki» Steensohn, som i år er inne i sin 50. sesong som trenar i lokalfotballen (s. 9), og om G19-laget som spelte seg heilt til finalen i Norway Cup (s. 14). Du får òg vera med på innsida av Subshore Akademiet ein heilt vanleg ettermiddag (s. 30), og møta dommartalentet Jonas Vatten (17), som fann rolla si med fløyta i handa og drøymer om 3. divisjon (s. 48).

Vidare kan du lesa om Kjersti og Aina, som gjennom mange år har halde kontroll på tala i sekretariatet under festivalen (s. 53). Du finn òg aktivitetssider med fotballquiz for dei yngste, og oversikt over banar og område på festivalen.

Puttemagasinet er trykka opp i 300 eksemplar, og er tilgjengeleg på årets Puttefestival.

Ein stor takk går til sponsorane våre – utan dykk hadde dette prosjektet ikkje vore mogleg.

Sjekk ut den digitale utgåva her:
https://stordfotball.no/puttefestivalen/puttemagasinet-2026/